عيد الأم

( فضفضة بالعامية )

اليوم عيد نبع الحنان يلي سهرت ليل وانهار علشان تربينا وحرمت حالها من كثير شغلات جميلة وحلوه منشان تفرحنا وتبسطنا ..

#أنا_بقول..

للشب الي بيصحى من النوم وجهه مجعد زي قميصه قبل ما ينكوى وبكون مكشر ..وما بصبح على إمه.

وبروح على التلفون برن على حبيبته إم بربور وكل الكلام الجميل بصبح عليها... كأنه #نزار_قباني #او_قيس ابن_الملوٌح..

روح انطم وبوس الحفاية القديمة يلي كانت تضربك فيها أيام ما كنت تجيها ضاربينك ولاد الحاره علشان تصير زلمه ..

بتجي امه المسكينه وبتمزح مع هاللوح وبتقله حبيبي ( عدول ) .

اليوم عيد الامهات وحابه تجيبلي شغله ببالي .

عاد اسمه برا البيت #عبسي..

الله وكيلكم بصير من أصحاب الفتاوي بحلل وبحرم وبقللها هذا اليوم بدعة وحرام يلي جابونا اياه الأجانب الكفار ..وبكسر بخاطرها بكم كلمه الله يقطع لسانه..

يعني يا محترم انك بارر امك طول السنة وأجت على هاليوم بدكش تبرها فيه علشان حكولك حرام ..

ولك يوم #عيد_الحب بنعرف انو ما في دبدوب أحمر ولا وردة حمرا الا وجبتها للهبلة حبيبتك ..

أنا متأكيد إنك يا محترم من برج #البغل ..ولازم نربطك على ( دوار الجمرك ) ويلي بروح وبيجي يتف عليك ..

روح إكسب رضاها أحسنلك .

#امك_ثم_امك_ثم_امك

#آخوكم_ناجح_سلهب_التميمي

#najeh_salhab